Yaesu 8DR 寫頻線

VR2YUP

本人係攞到個CALL SIGN之後, 多謝左政府一聲就去買左部8DR返來.

跟住就發現部機好多功能, 多到唔知點樣開始去玩. 唯有就係第一時間寫曬D有機會用既頻道入去, 啱啱開始入個時發現真係入到手到軟. 後來VXS同我講有個唔使錢既軟件可以寫頻, 只要加一條USB寫頻線就得. 所以就係網上面買左一條, 邊到買? 就係大陸好出名既淘野網, 價錢係一百蚊人仔, 唔包運費, 自己SEARCH下就得.

而軟件就用一隻叫CHIRP既, 可以GOOGLE到打 CHIRP HAM, 應該會搵到. 因為係網上熱心朋友寫既, 所以相信係呢個公開俾大家知都應該無問題,  如果真係想多謝佢, 就DONATE少少. 但係有少少技術要留意既.

1. 先要裝USB TO SERIAL既 DRIVER. 條線有機會唔包, 要問清楚.
2. 跟手裝 CHIRP, 係COM PORT到可以直接打, 如COM25, 因為WIN 7好有機會用到COM8以上.
3. 因為隻SOFTWARE係通用既, 即係幾種機都可以用, 所以佢既COLUMN位係有好多, 唔同機會用唔同既COLUMN, 例如我自己部UV-3R同8DR, 8仔可以入CHANNEL名, 但3仔唔得. 咁邊個COLUMN係要, 邊個COLUMN唔用? 係可以先DOWNLOAD個SETTING落部電腦先, 再係入面改完, 再UPLOAD上去. 就包無問題.
4. 8仔既寫頻方法係要用到部機內置既CLONE MODE, 說明書入邊有教. 而3仔就直接寫就得 (當然又要買多條線啦).
5. 一個提示, 可以睇下隻SOFTWARE SUPPORT咩機, 跟手一次過搵間所有線都有既訂, 咁就可以方便D.

另外, 本人亦係網上買左D非原裝手咪, 質量唔係咁好, 插唔入去要退貨, 又煩又要俾運費. 所以話都係幫親事頭婆好D(因為係我問過最平既, 可能係達左GY朵, 真係要多謝GY一聲), 已經落左ORDER, 希望快D到.

今次講住咁多, 如果再有關於8仔既資料, 會再更新.

73

VR2YUP

VXS師兄講得都好啱, 有時間又有興趣既可以自己做一條. BTW, 記得事頭婆都有得賣, 但係要150港紙, 講真加埋運費對返港紙都差唔多. 不過唔知佢會唔會仲有存貨, 上次就係同VXS師兄睇機, 佢買左一條.